12+
Ömrü kişi kimi yaşamaq, öz sözünün ağası olmaq asandırmı? Adam həyatda öz yerini necə tapmalıdır? Film bu suallara cavab verir. Müasir Azərbaycan kəndindən bəhs edən filmdə namus, ləyaqət və şan-şöhrət kimi məsələlərə toxunulur.
Filmin çəkilişləri bir neçə yerdə aparılsa da, pavilyon çəkilişləri olmayıb. Aptek, mağaza olan kadrlar köhnə Əhmədlidə, digər çəkilişlər, xüsusilə qoyunların göl kənarında otarılan kadrları isə Şamaxıda çəkilib. Filmin qəbristanlıq səhnəsi Şamaxıda-Çuxuryurdun yaxınlığında olan qəbristanlığın yaxınlığında çəkilib.
Filmə 15 ay vaxt ayrılmasına baxmayaraq film 10 aya hazır oldu.
Bəstəkar Vasif Adıgözəlov filmdə oxudu. Qasımın atası ilə bibisi qız evinə elçiliyə gedir və Solmazın atası da mahnı ilə onlara cavab verir. Solmazın atasının səsi ilə oxuyan Vasif Adıgözəlovdur.

İstehsalçı: Azərbaycanfilm
İlk baxış tarixi: 31.05.1988
Texniki göstəricilər: 35 mm, 21:9
Janr: komediya, musiqili

Rejissor: Cahangir Mehdiyev
Ssenari müəllifi: İsi Məlikzadə
Operator: Eduard Qalakçiyev
Rəssam: Fikrət Əhədov
Bəstəkar: Vasif Adıgözəlov
Rollarda: Əjdər Həmidov (Qasım), Muxtar Avşarov (Ələmdar), Cəvahir Bayramova (Nübar), Tələt Rəhmanov (Bayandur), Əfrasiyab Məmmədov (Nəbi), Cahangir Mehdiyev (Niyaz), Sənubər İsgəndərli (Solmaz), Leyla Bədirbəyli (Xavər), İradə Həsənova (Ağca), Lətifə Əliyeva (Qəndab), Kəmalə Hüseynova (Tovuz)